LIGI daraja la pili inazidi kushika kasi  kwa Wilaya ya mjini, kwa mzunguko wa kumi(Round10) ambayo kwa timu ya Kilimani city inatarajiwa kuchezwa na Ujamaa siku ya Jumatatu tarehe 31Machi majira ya 7:30 za mchana katika uwanja Amani  na kwa upande wa Manispaa na Kijangwani siku hiyo hiyo watacheza katika uwanja wa Mao us tung saa 8:00 za mchana.

Kabla ya mechi ya Kilimani City na Ujamajaa siku ya Jumamosi  tarehe 29 Machi timu ya Vikokotoni imeichabanga FC Roma magoli matatu kwa moja mchana katika uwanja wa Amani.na kuchupa hadi nafasi ya pili kwa kujikusanyia point 17 kibindoni Jumapili tarehe 30 majira ya saa7:30 watacheza Shangni na Mzalendo  katika uwanja wa Amani  na saa 8:00 watacheza Muembeladu na West coast pale Mao

Na kwakumalizikia kwa mzunguko wa kumi (Round 10) itakuwa siku ya Jumanne tarehe 1 April mwaka 2014 watamalizia kwa timu ya Super Sports na Grenada.

Kwaupande wa msimamo wa ligi hiyo Kundi B ni kama ufuatavyo:

	PS      CLUB            PLAY          GD          PTS 1   MANISPAA 8 12 17 2  VIKOKOTONI 10 5 17 3  UJAMAA 8 8 16 4  SHANGANI  8 7 16 5  MZALENDO 8 3 15 6  KIJANGWANI 9 -2 13 7  KILIMANI CITY 8 1 11 8  ROMA 9 -2 11 9  MUEMBELADU 9 1 11 10  WEST COAST 8 -1 11 11  WAGUMU 9 -1 9 12  SUPERSPORTS 8 -12 4 13  GRENADA  9 -16 2

   Shukurani kwa Afisa wa habari Miss Zainab Haroub na idara ya habari ya  Kilimani City  kwa kuweza kuwajuza jamii kwa kila kinachoendelea katika timu yao.

Afisa uhusiano Kilimani City Miss Zainab Haroub wa pili akifuatilia pambano kwa umakini kabisa

Mwenyekiti wa ZFA Wilaya ya Mjini Hassan Haji Chura wa kwanza kushoto akitafakari maendeleo ya soka ya wilaya yake akiwa na wadau wa soka wa wilaya hiyo uwanjani Aman.

Kivumbi kikali  kilitimuka katika uwanja wa Amani wilaya ya Mjini kati ya Kilimani City na Shangani waliweza kuoneshana ubavu uwanjani hapo.
Mchezo huo ulichezwa majira ya saa saba na robo hapo ndipo timu ya Kilimani City waliweza kukitawala kipindi chote cha kwanza hatimaye dakika za lala salama ililiona lango la Shangani ndani ya dakika ya 44 mototo alielelewa na Shangani wenyewe Rashid Zingo (Chidi Zingo) aliweza kuitoroka ngome ya Shangani na kuukwamisha mpira wavuni hadi kumalizika kwa kipindi cha kwa bao moja kwa sifuri. kabla ya goli hilo mwamuzi Shaaban alimtoa Kocha wa Kilimani City kwenye maeneo ya viongozi baada ya kumtolea maneno ambayo hayakubaliki mchezoni. watu walikuwa ni wengi na mpira ulikuwa wa kasi na kusisimuwa, ingawa City walipoteza nafasi nyingi za wazi na wanazijutia kwa ukweli.
Kwa kipindi cha pili mchezo ulikuwa mkali kwa timu zote mbili kwani kila mmoja alikuwa anahamu ya kumuonesha mwezake ubavu na hadi dakika ya 72 Shangani waliweza kurejesha bao na kwa mfungaji wao Ismaili Kasim. Hadi mwisho wa mchezo City 1 na Shangani 1.
Mpira kwa ujumla ulikuwa mzuri sana na tunawapongeza vijana wetu wa Kilimani City kwa kuonyesha kandanda safi watu roho inapenda.
Tunawashukuru wadhamini wa Kilimani City Prize Insurance Broker na Super pure kwa kuendelea kuidhamini timu ya City kwa kuwapa seti ya jazi na maji ya kunywa kwa mechi sita zilizobaki.
Shangani inaongoza kundi B kwa kujikusanyia point 16 kwa michezo nane iliyocheza City tupo nafasi ileile ya nane kwa point zetu 11 tumebakisha mechezo minne tu nafasi ya kuingia nane bora ni finyu kwetu ila tunaendelea kupambana vikali, kwa kujivinjari katika mazowezi.
Muda wa mashindano hayo wa saa nane mchana kutokana na uchache wa viwanja ni changamoto kwa vilabu vyetu ni mgumu sana na nyasi bandia zinasumbua kama jua linakuwa kali, Serikali iwekeze kwa kuengeza viwanja kwa kuinua hadhi ya soka Zanzibar.
Aidha tuwawapongeza mashabiki wote waliofika uwanjani kuhudhuria pambano letu uwepo wao unaonyesha heshima kubwa kwetu kwa kukubali kazi wanayoifanya vijana wetu.
Kilimani City itajitupa uwanjani tena siku ya Jumatatu ya tarehe 31 Machi hapo hapo uwanja wa Amaan Stadium dhidi ya timu ya Ujamaa. Kesho tarehe 21 Machi ni Ujamaa na Kijangwani Amani.

Fuatilia na baadhi ya picha hapo chini:

Washambuliaji wa Kilimani City wakiliandama lango la wapinzani wao Shangani FC.

Kocha Kwimbi aliesimama jukwaani akitafuta sehemu ya kukaa baada ya kutolewa na mwamuzi wa pambano hilo Shaaban baada ya kurusha maneno dhidi yake.

Chidi Zingo akishangiria mara tu ya kuukwamisha mpira wavuni na kufanya City kuongoza baada ya dakika ya 44 kipindi cha kwanza.

Chidi Zingo wanne kutoka kulia mfupi wao akishangiria na wachezaji wenzake tisa baada ya kutikisha nyavu za Shangani FC.

Lukman Ayoub akinywa maji ya Super Pure udhamini wa kampuni ya Safari Company Ltd wa pale Aman Industrial Zone akiwa na Hassan alieikamata chupa ya Super Pure na jazi walizodhaminiwa na Prize insurance Broker baada ya kupata maelekezo kutoka kwa Kocha msaidizi Seif Hafidh Suleiman (Waziri).



Shukurani kwa Afisa Uhusiano Miss Zainab Haroub na idara ya Habari Kilimani City.

HAO NDIO KILIMANI CITY KWA PICHA

Add caption

Timu ya Kilimani City inatarajiwa kucheza siku  ya Alhamisi   majira  saa 8 mchana  katika uwanja wa Amani Wilaya ya Mjini siku hiyo inapambana na Shangani FC timu inayo ongoza kundi B kwakujikusanyia point 15 wakati Kilimani City inapoint 10 na imeshika nafasi ya nane, kila moja ishacheza michezo 7na kubakisha michezo mitano
Katika nngwe hiyo timu ya shangani ambayo haikuwahi kupoteza mchezo hata mmoja katika mechi 7 zilizopita na iko fainal katika mchezo wa mtoano inayotarajia kucheza na timu ya Mafunzo.
Hivyo timu ya kilmani city imekabiliwa na mchezo mkali na muhimu kwakujiwekea matumaini ya kuingia katika timu nane bora ambazo kila kundi hutoa timu nne tu.
Namsimamo wa kundi B uko kama ufauatavyo:-

POSITION	CLUB	PLAY	GOALS DIFFENCE	POINTS
1	SHANGANI	7	7	15
2	MZALENDO	7	4	15
3	MANISPAA	7	6	14
4	UJAMAA	7	7	13
5	KIJANGWANI	8	-2	13
6	VIKOKOTONI	8	1	11
7	WESTCOAST	7	1	11
8	KILIMANI CITY	7	1	10
9	WAGUMU	7	0	9
10	ROMA	7	-1	8
11	MUEMBELADU	8	1	8
12	SUPERSPORTS	8	-12	4
13	GRENADA	8	-10	2

Wapenzi wa michezo wa Mkoa wa Mjini Magharibi wanaombwa kufika kwa wingi tarehe 20 machi Amani kujionea pambano kali kati ya Shangani na Kilimani City majira ya saa 8 mchana kwa  kiingilio cha shilingi 500 tu.

Mtanange  mkali  wa ligi daraja la pili ulioweza kuchezwa kati ya Kilimani City na timu ya Mwembeladu katika kiwanja cha Amani Wilaya ya Mjini mnamo ajira ya saa nane kasoro.
Timu ya muembeladu ilionyesha ubavu mnamo dakika za mwanzo wa mchezo huo na kuweza kuanza kufunga bao mnamo dakika ya 1na mfungaji ni Costantino Katiba na dakika ya 17 mfungaji Yussufu Mussa .
Nakwaupande wa kilimani city walioweza kuchukua ushindi kupitia kwa wachezaji wao Bakari Babar dakika ya 29 na Mussa Bakari dakika ya 58 na dakika ya 63.
Vijana wa Kilimani City waling'arishwa na jezi safi kabisa kutoka kwa kampuni ya Prize Insurance Broker limited watowaji wa huduma za bima za aina zote waliopo jengo la Bwawani hotel na jengo la Bombay Bazaar Mlandege. pia walinywesha maji ya Super Pure maji safi na mazuri kwa afya kutoka kwa watengenezaji wa maji hayo kampuni ya Safari Company Limited ya Aman Industrial Zone viwanda vidogo vidogo. Uongozi na wapenzi wa Kilimani City unashukuru ufadhili wa kampuni hizo na kuwataka wanamichezo kutumia bidhaa na huduma za makampuni yanochangia mambo ya michezo Zanzibar.

KilimaniCity sasa imefufuamatumaini ya kuingia timu nane bora imejiengezea point tatu muhimu sana na kufikisha point 10 iko nafasi ya nane katika msimamo huku timu ya Mzalendo ikiongoza kundi hilo kwa kujikusanyia alama 15 kila timu ikiwa imesaliwa na michezo mitano. timu ya shangani ambayo tarehe 11 inapambana na Kijangwani yenye alama 13 kwa mechi 7 inatarajiwa kuongoza kundi hilo kama itashinda mchezo wake huo wa saba.

Timu ya Kilimani City inayoshiriki ligi ya daraja la pili wilaya ya mjini Zanzibar imepokea ufadhili wa maji kutoka kwa kampuni ya Safari Company Limited watengenezaji wa maji ya Super Pure iliopo hapo amani industrial zone.
Ufadhili huo wa katuni tatu za maji  kwa kila mechi zinowakabili wanamichezo hao ambapo wamekabidhiwa siku ya Jumamosi 8.3.2014 kwa ajili ya mechi  sita zinazotarajia kuchezwa siku ya jumatatu tareha 10 mwezi huu majira ya saa 8 mchana katika uwanja wa Amani dhidi ya timu ya Mwembeladu.Ufadhili huo umetolewa  na meneja mkuu wa Safari Company ltd na kumkabidhi Rais wa Kilimani City.
Shughuli hiyo ya makabidhiano ilifanyika huko  kiwandani kwao baada ya uongozo wa Kilimani City kufika kiwandani hapo.nakuanza kutembezwa katika kiwanda hicho ili kuangalia jinsi chupa za maji zinavyotengenezwa kuanzia vipande vya plastic hadi maji hayo yanavyosindikwa.
Akizungumza mbele ya waandishi wa habari waliohudhuria katika ghafla hio Rais aliushukuru uongozi wa kampuni hio kukubali ombi la ufadhili kwa klabu ya Kilimani City angalau kwa kupatiwa maji ya kunywa kwa kupambana katika mechi zao kwa ufanisi, kujenga afya na kutoa ahadi ya kukitangaza kinywaji cha super pure kuwa ni kinywaji chao na kushajihisha jamii ya wazanzibari kutumia maji ya super pure ni mazuri kwa afya na hujenga miili iliyobora katika michezo na kazi nyenginezo za kitaifa.